Janë më të mirët në matematike, lëndët shkencore në përgjithësi e madje dhe letërsi e në “zbërthimin e testeve”. Nuk ka asnjë dyshim, thonë mediet italiane se adoleshentët kineze janë nxënësit më të mirë në botë!

Këtë e tregon një studim i OCSE, Office of Child Support Enforcement, i realizuar mbi nxënësit e moshave mesatare 15 vjeç anembanë globit. Të dhënat përfundimtare të tij tregojnë se adoleshentët që vijnë nga katër rajone kineze: Pekin, Shanghai, Jiangsu e Zhejiang, shënuan rezultatet më të larta në lëndët shkencore, sidomos në matematikë.

Ndërkohë që të ardhurat e familjeve të tyre, ishin më të ulëta sesa mesatarja ndërkombëtare. Gati një nxënës në 6 në Pekin, Shanghai, Jiangsu e Zhejiang (Cina) dhe 1 në 7 në Singapor ka marrë pikët maksimale në matematikë. “Cilësia e shkollave të tyre sot do të forcojë ekonominë e tyre nesër”. Deklaroi sekretari i përgjithshëm i OCSE-së, Angel Gurria, i cili nuk e fshehu ndërkohë zhgënjimin që rezultatet më të larta nuk u arritën nga vendet që kanë investuar fort tek arsimi.

Një sinjal ky, që siç thotë shtypi Italian, tregon ndoshta se ka ardhur koha që sistemi shkollor të rishikohet.