Barcelona dhe Liverpooli kanë ende distancë në ofertën dhe kërkesën për sulmuesin Philippe Coutinho.

Barcelona është e interesuar për transferimin e sulmuesit të Liverpoolit, Philippe Coutinho. Por, palët ende nuk kanë arritur marrëveshje në lidhje me çmimin e kalimit të yllit brazilian te skuadra lidere nga La Liga.

E përditshmja sportive katalane “Sport” raporton se Barcelona ka ofruar 130 milionë euro për blerjen e Coutinhos. Por, kërkesa e klubit nga Anfield për shërbimet e sulmuesit brazilian është edhe më e lartë, 160 milionë euro.