Zvicra ka pagën mesatare të dytën më të lartë në Evropë dhe e treta më e mirë në botë.

Shifrat e Organizatës për Bashkëpunim Ekonomik dhe Zhvillim (OECD) konfirmojnë statusin e Zvicrës si një nga vendet më të mira në botë për të fituar rrogë.

Indeksi i “Better Life” i OECD-së, renditet Zvicrën pas Shteteve të Bashkuara dhe Luksemburgut për pagë mesatare, ndërsa paga në Zvicër është gjithashtu shumë mbi mesataren në të gjitha vendet e OECD-së.

Sipas shifrave të OECD të vitit 2019, përcjell Albinfo, të ardhurat vjetore të disponueshme të Zvicrës renditen në 37,072 franga për familje. Kjo është shumë mbi mesataren e 33,251 franga në të gjitha vendet e OECD-së për familje dhe është vetëm pas Luksemburgut me 39,264 franga dhe Shteteve të Bashkuara me 45,284 franga në një shkallë botërore, shkruan “Telegrafi”.

Të ardhurat e disponueshme konsiderohen nga OECD si një metrikë më e mirë sesa të ardhurat bruto, pasi reflektojnë më saktë sasinë e parave që duhet të shpenzojë një individ ose një familje, duke dhënë kështu një tregues më të mirë për cilësinë e përgjithshme të jetës dhe fuqinë e shpenzimit. Të ardhurat e disponueshme janë para të marra në shtëpi pasi të paguhen taksat dhe kontributet e tjera të detyrueshme.

Ndërsa, Zvicra mund të ketë një nga mesataret më të larta në botë, jo të gjithë në Zvicër përfitojnë. Gjetjet e OECD-së tregojnë gjithashtu se pabarazia e të ardhurave është gjithashtu shqetësuese, me Zvicrën e renditur në vendin e 14-të nga 40 vendet e OECD-së për hendekun e saj të pasurisë. Siç është vërejtur nga autorët, në Zvicër ka një hendek të konsiderueshëm midis më të pasurve dhe më të varfërve – 20 për qind e lartë e popullsisë fitojnë gati pesë herë më shumë se 20 për qind e poshtme.