Ish-presidentja e Kosovës, Atifete Jahjaga, gjatë qëndrimit në Tiranë është takuar me shkrimtarin Ismail Kadare.

Jahjaga ka bërë me dije se me Kadarenë ka biseduar për nevojën e rimëkëmbjes së kulturës në hapësirat shqiptare.

“Me shkrimtarin Ismail Kadare në Tiranë biseduam për nevojën e rimëkëmbjes kulturore në hapësirat shqiptare për të rigjeneruar dhe forcuar vlerat demokratike”, ka shkruar Jahjaga në llogarinë e vet në “Facebook”.

Gjatë vizitës në Tiranë, Jahjaga është takuar edhe me presidentin e Shqipërisë, Ilir Meta, si dhe ka zhvilluar një bashkëbisedim me studentë e pedagogë të Universitetit Evropian të Tiranës.