Nuk ka nisur mirë aventura e LeBron James te skuadra e Lakers, që u mund 128-119 nga Portlandi, në ndeshjen e parë që dy ekipet zhvilluan në NBA.

“King James” realizoi 26 pikë, më i miri në fushë për kalifornianët, por që s’mjaftuan për të evituar humbjen. Për Portlandin u dallua Lillard me 28 pikë mbështetur edhe nga Stauskas me 24, duke bërë diferencën në fushë. Fitore në sekondat e fundit korri Miami, që mundi 113-112 Washington jashtë fushe, takim me rivalitet dhe emocione, ku herë udhëhiqte njëri ekip e herë tjetri. I zakonshmi Wall realizoi 26 pikë për Washington, por që mbetën për statistikë, ndërsa për Miami u dallua Richardson me 28 pikë. Fitoren e parë sezonale arriti edhe Philadelphia, që mundi 127-108 Chicago, ndeshje e dominuar nga vendasit, që patën epërsi gjatë gjithë kohës. Embiid me 30 pikë ishte lider në fushë për Philadelphia, ndërsa për Bulls nuk mjaftuan 30 pikët e LaVine për të dalë fitues nga kjo sfidë.

Rezultatet

Philadelphia – Chicago            127-108
Washington – Miami                112-113
Portland – Lakers                     128-119