Kryeministri populist i Sllovenisë Janez Jansha duket se po humbet zgjedhjet kombëtare të dielën pasi partia ambientaliste “Lëvizja për liri” fitoi më shumë vota se partia e tij SDS, sipas një sondazhi exit.

Zgjedhjet pritej të ishin të ngushta, por exit poll nga Instituti Mediana tregoi se “Lëvizja për Liri” kryeson me 35.8% të votave, shumë më tepër se sa pritej, ndërsa SDS ka siguruar 22.5% të votave.

Kjo do t’i jepte Lëvizjes për Liri 42 vende në parlamentin me 88 vende dhe SDS-së 26 vende, shkruan Reuters.

Cilado parti që fiton do të duhet të sigurojë partnerë koalicioni për të formuar një qeveri të re.

Jansha, i cili kishte shpresuar të fitonte një mandat të katërt në detyrë, është përplasur me Brukselin për lirinë e medias dhe kundërshtarët e akuzojnë atë për minimin e standardeve demokratike, akuza që ai i mohon.

Pjesëmarrja në votim, në të cilën rreth 1.7 milionë njerëz kishin të drejtë të votonin, ishte 49.3% deri në orën 16:00, tha komisioni zgjedhor.

Analistët, megjithatë, prisnin se do të ishte afër 70% deri në fund të votimit, shumë mbi mesataren kombëtare.