Sindikata e Bashkuar e Arsimit, Shkencës dhe Kulturës (SBAShK) ka njoftuar se të martën kryetari i kësaj sindikate,  Rrahman Jasharaj, Vjollca Shala dhe Ymer Ymeri janë takuar me ministren e Arsimit, Arbërie Nagavci dhe zv/ministrin Taulant Kelmendi.

“Pas konferencës me mediet që ka mbajtur sot SBAShK-u, ministrja  Nagavci  bashkë me  zv.ministrin Taulant Kelmendi  janë takuar në MAShTI  me kryetarin  Rrahman  Jasharaj, nënkryetaren  Vjollca Shala,  sekretarin e përgjithshëm Ymer Ymeri  dhe zyrtarin ligjor Blendor Shatri.”

Sipas SBAShK-ut takimi ka qenë i shkurtër dhe ka përfunduar pa asnjë rezultat pasi “ministrja Nagavci nuk pati gatishmëri të bisedojë  konkretisht për kërkesat legjitime të anëtarësisë që SBAShK-u i ka bërë publike tani e sa kohë”.

SBAShK-u nesër (e mërkurë) do të mbajë protestë.

“SBAShK-u shpreh keqardhje për këtë qëndrim të ministres Nagavci  dhe prandaj  nesër do të mbahet protesta  e 4 paralajmëruar dhe Këshilli Drejtues do të vendosë edhe për veprimet tjera sindikale. SBAShK-u uron që nesër në kuadër të protestës përfaqësues të MASHTI-t të takohen me udhëheqës të protestës në përpjeke për të arritur marrëveshje të pranueshme për të dy palët”, ka njoftuar SBAShK-u.