Përfaqësuesja e Kosovës në futboll të premten përballet me Rumaninë, në ndeshjen kryesore të këtij edicioni në Ligën e Kombeve.

Pas stërvitjes së sotme, Muharrem Jashari është optimist se “dardanët” mund të fitojë këtë ndeshje.

“Atmosfera është shumë e mirë, me një energji shumë të mirë, me një pozitivitet prej krejt lojtarëve. Përgatitjet po shkojnë shumë mirë dhe besoj shumë që në Bukuresht do ta arrijmë fitoren. Jemi duke u përgatit maksimalisht taktikisht dhe normal që jemi duke i shikuar pikat e forta e po ashtu edhe të dobëta të Rumanisë. Mendoj se në këtë ndeshje do të ballafaqohemi me një ekip shumë të mirë, siç e ka Rumania, por besoj shumë që do ta arrijmë fitoren”, ka thënë Jashari.