Sportisti i njohur shqiptar, Denis Zumberi vetëm pas një muaji rikthehet sërish për të garuar në sportin e Arteve të Përziera Marciale (MMA).

Një muaj pasi regjistroi dy fitore në Slloveni, gjiganti i lindur e rritur në Gjermani është gati të gjunjëzojë edhe kundërshtarin e radhës në “Creed Fight Nights” ku zhvillohen evente sportive të MMA, boksit dhe kikboksit në Linz të Austrisë ndaj sportistit Engali.

Meçet zhvillohen në palestra si Goldenfist Gym dhe tërheqin garues amatorë dhe profesionistë nga Austria dhe vendet përreth. Këto ndeshje organizohen sipas kategorive të ndryshme dhe kanë fituar popullaritet mes spektatorëve vendas dhe ndërkombëtarë të pasionuar në garat luftarake.

Zumberi ka folur për “Epokën e re” një ditë para kësaj lufte, duke premtuar maksimumin për fitore.

“Përgatitjet i kam vazhduar në mënyrë intensive, kam besim me se ndihem e zotit do të arrijë edhe fitoren e radhës. Besoj se në Linz, përveç familjes do të ketë edhe miq të tjerë kryesisht shqiptarë, kam besim se nuk do t’i zhgënjej”, ka deklaruar Zumberi.