Jemi të vendosur të sjellim ndryshim me Bedri Hamzën kryeministër
09 dhjetor 2024
| 09:09
Deputeti i PDK-së, Xhavit Haliti, thotë se partia e tyre është e bashkuar dhe e vendosur për të sjellë ndryshimin me Bedri Hamzën kryeministër.
Ai përmes një postimi në Facebook ndërsa ka shkruar për mbledhjen e Këshillit Drejtues të PDK-së që u mbajt dje, ka thënë se kanë diskutuar për gjendjen aktuale politike në vend dhe strategjinë e fitores për zgjedhjet e 9 shkurtit.
Postimi i tij:
Sot (dje), mbajtëm mbledhjen e Këshillit Drejtues të PDK-së.
Diskutuam për gjendjen aktuale politike në vend dhe strategjinë e fitores së zgjedhjeve parlmentare të 9 shkurtit 2025.
Jemi të bashkuar dhe të vendosur për të sjellë ndryshimin që qytetarët presin nga PDK-ja, me kryeministër Bedri Hamza.
