Presidenti amerikan Joe Biden ka vizituar Kentucky për të parë nga afër vendin që është goditur më së rëndi nga tornadot vdekjeprurëse, ku si pasojë humbën jetën 74 persona dhe 14 tjerë në disa shtete tjera amerikane.

Ai u premtoi banorëve se do të rinovohen apo ndërtohen nga fillimi të gjitha pronat e shkatërruara, ku dëmet materiale kapin shumën e miliarda dollarëve.

Guvernatori i Kentucky, Andy Bashir, tha se në mesin e të vdekurve janë edhe dhjetëra fëmijë dhe se numri i viktimave pritet të jetë më i madh në ditët në vijim, e 100 tjerë po cilësohen si të zhdukur.

“Biden ka kërkuar që të vlerësohet saktësisht dëmi i shkaktuar nga tornadot, me qëllim që të munden sa më shpejtë të fillojnë me punimet e pronave”, tha Karine Jean-Pierre, zëvendësja e zëdhënësit të Shtëpisë së Bardhë.

“Sot jam në Kentucky ku duhet të takohem me liderët lokalë dhe të mësojë për dëmet e shkaktuara nga tornadot. Do të kemi nevojë për përpjekje të përbashkëta që të rimëkëmbemi. Jemi të përkushtuar që të ofrojmë përkrahje”, ka shkruar Biden në rrjetin social Twitter.

Mayfield është qyteti që më së rëndi është goditur dhe gjendet vetëm 320 kilometra larg Kentucky, ku tornadot shkatërruan gjithçka që u dilte përpara. Atje shtëpitë janë bërë rrafsh me tokë, duke u shndërruar një qytet i gërmadhave.