Kryeministri i Britanisë së Madhe Boris Johnson, ka dhënë detaje të reja në lidhje me qëndrimin e tij në spital për shkak të koronavirusit, duke u thënë mediave britanike se ai e dinte që mjekët po përgatiteshin për më të keqen.

Johnson ishte në izolim deri në fund të marsit, por ai u transferua në një spital në Londër në fillim të prillit për t’iu nënshtruar trajtimit me oksigjen dhe kaloi tre net në kujdes intensiv.

“Strategjia e tyre ishte të zbatonin një skenar ‘vdekja e Stalinit”. Ishte një kohë e vështirë, nuk do ta mohoj”, ka deklaruar Johnson për gazetën ‘Dream’. “Unë nuk isha në gjendje të shkëlqyeshme dhe isha i vetëdijshëm se kishte plane emergjente. Mjekët kishin të gjitha llojet e skenarëve nëse diçka shkonte keq. Ata më dhanë një maskë dhe mora sasi të mëdha oksigjeni dhe për një kohë të gjatë”, tha Johnson.

Johnson u kthye në punë të hënën, 27 prill, një muaj pasi u zbulua se ishte pozitiv me koronavirus.