“Nuk e përjashtoj mundësinë e një bllokim për Krishtlindje”. Kështu ka thënë sot kryeministri britanik Boris Johnson, duke u kërkuar bashkëqytetarëve të tij që të bëjnë dozën e tretë, përforcuese  të vaksinës Covid-19.

Duke e lënë të hapur një skenar të tillë, deklarata e Jonson ka kuptim, pasi qeveria britanike  planifikon të lëshojë certifikatën e vaksinës , me kusht që qytetarët të kenë bërë të treja dozat e vaksinës së koronavirisit.

Deri më sot, në të gjitha vendet, lëshimi i certifikatës se Covid  bëhet për aq kohë sa një person ka bërë të dyja dozat e vaksinës .

Por tani qeveria e Londrës planifikon të kërkojë lëshimin e një certifikate shëndetësore vetëm për ata që bëjnë 3 doza.

Në Britani është hapur platforma për dozën e tretë përforcuese të vaksinës për personat  mbi 40 vjeç./oraneës/