Mesfushori i Italisë, Jorginho, po konsiderohet kandidat serioz për fitimin e “Topit të Artë” pas trofeve të fituar me kombëtaren dhe klubin.

Jorginho ishte duke folur në një intervistë për “SportTv” kur u pyet për mundësinë e fitimit të çmimit individual më prestigjioz në botën e futbollit.

“Jetojmë të ëndërrojmë, por të jem i sinqertë mendoj që varet nga kriteret që i kanë dhe pritshmëritë e tyre. Sa i përket talentit, jam i vetëdijshëm që nuk jam më i miri në botë. Nëse flasim për titujt e fituar, askush s’ka fituar tituj më shumë se unë këtë sezon”, ka thënë Jorginho. “Si të konkurroj me Messin, Ronaldon dhe Neymarin? Ata kanë karakteristika plotësisht të ndryshme nga unë por, e përsëris, varet nga kriteret”, ka shtuar Jorginho.