Trajneri i Prishtinës, Mirel Josa kërkon fitore ndaj Lirisë, në ndeshjen që zhvillohet sot (e premte) në Prizren.

“Nuk është problemi çka do bëjmë. Ne kemi ardhur deri këtu dhe kjo ndeshje nuk do shumë llafe. Duhet të jemi shumë të kujdesshëm, është ndeshje shumë e fortë. Liria është ekip që ka qenë i konsoliduar gjatë gjithë kohës pavarësisht problemeve që ka. Pavarësisht se është jashtë objektivave, nuk do të thotë që ne do të kemi ndeshje të lehtë dhe është ndeshje e vështirë, njësoj si ndeshja e fundit. Pra, shkojmë për të fituar ndeshjen që të zgjasim luftën edhe një javë”, ka thënë Josa.