Kryetari i Partisë Liberal Demokratike të Serbisë, Çedomir Jovanoviq, ka thënë se rezultatet e zgjedhjeve në Kosovë janë një shprehje e nevojës për të rifreskuar skenën e brendshme politike në Kosovë, por edhe në marrëdhëniet me Serbinë.

Sipas tij, Kosova ka treguar një shkallë të lartë të kulturës demokratike në procesin zgjedhor, dhe se tani është koha që kjo energji të sjellë bashkëpunimin rajonal.

“Shpresoj që një qeveri e re e qëndrueshme me shumicë të qëndrueshme në parlament do të formohet shpejt në Prishtinë, e cila do të ketë forcën për të arritur një marrëveshje me Beogradin që do të kuptohet dhe pranohet nga shoqëria në Kosovë”, ka thënë ai.

Jovanoviqi ka thënë se Albin Kurti, kryetari i lëvizjes Vetëvendosje po sulmohet nga Beogradi në një gjuhë të folur para çdo katastrofe në këtë rajon dhe se deklarata të tilla nuk duhet të kenë vend në politikë në Serbi, dhe se sipas tij, “Kurti nuk është një kërcënim për Serbinë, por një shans “për shkak të shpresës që shoqëria kosovare ka për të dhe mbështetja që gëzon”.