Juve me tetë mungesa kundër Empolit
25 shkurt 2022
| 11:28
Lista e lëndimeve te skuadra e Juventusit sa vjen dhe shtohet. Trajneri Massimiliano Allegri edhe pse shfaqet gjithmonë optimist, është i detyruar që në transfertën e radhës ndaj Empolit të ketë shumë mungesa.
Të shtunën bardhezinjtë nuk do të kenë në dispozicion plotë 8 futbollistë. Bëhet fjalë për McKennie, Kaio Jorge, Dybala, Rugani, Bernardeschi, Chiellini, Alex Sandro dhe Chiesa.
Thuajse një skuadër e tërë në infermieri. I fundit që ju bashkua listës është Kaio Jorge, i cili u dëmtua me skuadrën e U23. Sulmuesi i ri brazilian është operuar në gjurin e djathtë dhe do të mungojë plotë 8 muaj. Allegri shpreson që të paktën të ketë për ndeshjen e kthimit ndaj Villarealit mbrojtësin Alex Sandro dhe Bernandeschin.