Aleanca ushtarake perëndimore i ka kërkuar fuqishëm Pekinit të shmangë atë që do të ishte një shkelje e ligjit ndërkombëtar.

Sekretari i përgjithshëm i NATO-s, Jens Stoltenberg, paralajmëroi se ka pasur “disa shenja” që Kina mund të planifikojë të mbështesë Rusinë në luftën ndaj Ukrainës, raporton Sky News.

Fundjavën e kaluar, Shtetet e Bashkuara thanë se kishin informacione që sugjeronin se Kina mund të fillonte të ofrojë armë për Rusinë. I pyetur nëse NATO ka ndonjë tregues se Kina mund të jetë e gatshme të ofrojë armë ose mbështetje tjetër për Rusinë në luftën ndaj Ukrainës, Stoltenberg theksoi: “Ne kemi parë disa shenja që ata mund të planifikojnë për këtë dhe natyrisht aleatët e NATO-s, Shtetet e Bashkuara, kanë qenë duke paralajmëruar kundër tij sepse kjo është diçka që nuk duhet të ndodhë. Kina nuk duhet të mbështesë luftën e paligjshme të Rusisë.”

Stoltenberg tha se çdo ndihmë kineze do të një shkelje të hapur të ligjit ndërkombëtar. Kina ka refuzuar të dënojë pushtimin e Ukrainës, por ka shmangur kapërcimin e çdo vije të kuqe që do të çonte në sanksione. Zyrtarët perëndimorë thonë se po monitoron gjithashtu nga afër situatën në Ukrainë, pasi ajo shikon një pushtim të mundshëm të Tajvanit.