Kabineti izraelit do të takohet për të diskutuar miratimin e një armëpushimi, për t’i dhënë fund përkohësisht armiqësive me milicinë libaneze Hezbollah.

Armëpushimi i propozuar do të jetë për një periudhë fillestare prej 60 ditësh dhe do të përfshijë tërheqjen e forcave izraelite nga Libani, sipas raporteve të mediave, transmeton Telegrafi.

Në këmbim, Hezbollahu do të përfundojë praninë e tij në jug të lumit Litani, rreth 30 kilometra në veri të kufirit ndërkombëtar dhe do të zëvendësohej nga trupat e ushtrisë libaneze.

Edhe pse diplomatët sugjeruan të hënën se një marrëveshje ishte afër, luftimet e ashpra vazhduan, me autoritetet libaneze që raportuan të paktën 31 të vrarë në sulmet ajrore izraelite dhe Hezbollahu që gjuajti breshëri raketash në Izrael.

Ministrat pritet të votojnë mbi marrëveshjen gjatë takimit të martën, sipas Haaretz. Agjencia e lajmeve Reuters, citoi një zyrtar të lartë izraelit të thoshte se takimi kishte për qëllim miratimin e tekstit të marrëveshjes.

Agjencia e lajmeve raportoi gjithashtu katër burime të larta libaneze që thanë se SHBA dhe Franca – një aleat afatgjatë i Libanit – pritej të shpallnin një armëpushim.

Sipas Channel 12 të Izraelit, marrëveshja e mundshme përfshin:

Një armëpushim reciprok

Një prani të IDF-së në Liban deri në 60 ditë

Ushtria libaneze duke zëvendësuar IDF-në ndërsa tërhiqet

Asnjë zonë tampon e pushtuar nga Izraeli në Libanin jugor

SHBA kryeson komitetin e pesë vendeve për të monitoruar zbatimin e armëpushimit

Qeveria libaneze mbikëqyr blerjet dhe prodhimin e armëve në vend

Përveç kësaj, SHBA do të lëshonte një letër duke njohur të drejtën e Izraelit për të sulmuar Libanin nëse Hezbollahu perceptohet se shkel marrëveshjen.