Kryetari i Kuvendit të Kosovës, Kadri Veseli, ka vizituar futbollistët dhe stafin e Përfaqësueses së Kosovës, para ndeshjes kundër Ishujve Faroe.

“Si asnjëherë tjetër, sot Kosova ka rastin t’i tregojë botës se sa shumë është e etur për suksese në sport dhe sa shumë talentë ka. Pata kënaqësinë t’i takoj futbollistët e Përfaqësueses sonë”, është shprehur Veseli përmes rrjetit social “Facebook”

“I urova për sukseset që po shënojnë dhe ju dëshirova që këto suksese të vazhdojnë edhe në stadiumin “Fadil Vokrri” në Prishtinë. Ngjarja e sotme, mbi të gjitha, do të jetë një nderim për njeriun e madh, legjendën tonë Fadil Vokrrin, i cili punoi shumë për këto ditë dhe këto suksese”.