Nëse ka një arsye pse Kim Kardashian është bërë e famshme përtej pamjes së saj, është fakti se ajo ndan histori nga jeta e saj, nga karriera, sipërmarrja, familja, marrëdhëniet, të famshmit.

Secila prej historive të saj duhet t’i lërë diçka audiencës së saj, pavarësisht nëse është e rëndësishme, apo jo. E këtë herë Kim Kardashian ka dhënë një intervistë dhe fotosesion të gjatë për Vogue italiane dhe ndër të tjera ka përmendur lidhjen me vajzën e saj të madhe, North 10-vjeçare.

Të dy argëtojnë fansat, përmes videove të TikTok, në të cilat duket se kanë një marrëdhënie veçanërisht të mirë dhe janë mjaft të afërta me njëra-tjetrin. Një nga ngjarjet që i afroi nënë e bijë është dështimi i Kardashian në provimet e drejtësisë.

Kim, në përpjekjen e saj për t’u bërë juriste, iu desh të jepte provime në vitin e parë, të cilat shpesh quhen “baby bar”, pasi ato jepen nga studentë të vitit të parë që nuk marrin pjesë në kurset e Universitetit, por marrin mësime private. Për të kaluar provimin, Kim-it iu desh ta jepte 3 herë, dhe është një provim që zgjat deri në 7 orë. Qëllimi ishte mbledhja e 560 pikëve. Por dy herët e para dështoi, duke bërë që ajo të shpërthejë në lot dhe zhgënjim, edhe pse para vajzës së saj.

Tregimi i kësaj ane të pambrojtur ndaj vajzës së saj, megjithatë, ishte një ngjarje që i afroi dhe i bashkoi edhe më shumë, siç pretendonte ajo.

“Vajza ime duke më parë duke qarë dhe duke dështuar ishte një ngjarje që e bëri të kuptonte se ne nuk jemi aspak të ndryshëm. Dhe ajo është e shqetësuar për analizat që duhet të bëjë. Kur më në fund më pa të qaja nga gëzimi, kuptoi se sa të rëndësishme janë sukseset personale”, tha Kim. “Për një kohë të gjatë ishte e vështirë për të të kuptonte pse ulem dhe lexoja kaq shumë orë”, shtoi ajo.

Tani vajza e saj merr sukseset personale shumë më seriozisht, ndërkohë që sipas Kim, kjo histori i afroi ata shumë më tepër, duke na kujtuar se është mirë që dështimet tona t’i ndajmë me familjen tonë. Së fundi, provimet e Kim-it për drejtësi kishin tërhequr interesin edhe të mediave ndërkombëtare, ndërsa sipas saj ajo arriti të kalonte shansin e 3-të dhe të fundit, duke dhënë një tjetër provim 7-orësh, në të cilin mori pjesë me temperaturë dhe të rraskapitur, pasi ishte me Covid.