Deputeti i Kuvendit të Kosovës nga LDK-ja, Driton Selmanaj, ka deklaruar se qasja e Vjosa Osmanit pas formimit të koalicionit me Lëvizjen Vetëvendosje, fatkeqësisht, ka qenë e dëmshme.

“Pse ajo e ka bërë, mund ta pyesni vetë atë, por në zgjedhje, meqë kemi pasur kandidaten e parë femër në Kosovë, unë kam kërkuar vota për shkak se ajo ka qenë prijëse e listës së LDK-së”, tha Selmanaj. Ai ka thënë se presin që presidenti Hashim Thaçi do të bëjë lëvizje shpejt dhe pastaj edhe LDK-ja do ta japë shpejt emrin për kryeministër, për të cilin deri tash nuk është diskutuar në LDK.