Kampionati Botëror i Bilardos u ndërpre për pak kohë në mënyrë të jashtëzakonshme nga një pëllumb të premten i cili kishte mundur të futej në Teatrin Crucible të Sheffield.

Sipas mediave britanike, përcjell Telegrafi, momenti gazmor ndodhi gjatë ndeshjeve të raundit të dytë, ku Mark Selby po përballej me Yan Bingtao dhe Zhao Xintong po konkurronte kundër Stephen Maguire.

Dhe siç mund të shihet në pamje, ishte Bingtao ai që “u dridh pak” ndërsa pëllumbi fillimisht fluturoi afër, përpara se të ndalonte buzë tavolinës së bilardos.

Komentatori më pas tha: “Ne kemi parë disa gjëra në Crucible më parë, por nuk e kemi parë kurrë këtë gjë. Epo unë kurrë”.

Më pas, zogu bëri një shëtitje të rastësishme në tavolinë dhe u largua, duke provokuar të qeshura dhe brohoritje nga turma.

Pasi pritën dritën jeshile, Bingtao dhe Selby – të cilët të dy u shfaqën të befasuar nga incidenti i çuditshëm – më pas rifilluan lojën në ndeshjen e tyre të raundit të dytë.