Boksieri me origjinë turke por i lindur në Gjermani, Musa Askan ka ndërruar jetë ditën e djeshme.

Askan u rrëzua papritur në ring pasi pësoi një atak në zemër në raundin e tretë për peshat +84 kg, ndeshje e zhvilluar një natë më parë në Mynih, shkruajnë mediet turke.

Mësohet gjithashtu se Askan u dërgua menjëherë në spital ku dhe ndërroi jetë. Musa Askan nga Giresun, ishte kampion i Evropës dhe Azisë si pronar i rripave WBF dhe GBU në boksin e peshave gjysmë të rënda, ishte i pamposhtur në 75 ndeshjet e tij profesionale.