Kandidati për deputet nga AAK-ja, Ramush Ahmetaj, ka takuar sot disa të rinj të Pejës dhe të Deçanit.

Ai gjatë këtij takimi ka shpalosur programin për rininë dhe objektivat në realizimin e tij si deputet i ardhshëm i Kuvendit të Kosovës.

Ahmetaj përmes një postimi në “Facebook” i ka bërë thirrje rinisë që të votojnë për AAK-në dhe atë si kandidat për deputet.

“Votoni për fitoren tuaj! Bashkëbisedim me të rinjtë nga Peja dhe Deçani, shpalosje e programit tim për rininë e AAK-së gjatë mandatit tim për deputet. Rinia kosovare përkrah Aleancës për Ardhmërinë e Kosovës, në kërkim të fitores, për jetë më të mirë, për pavarësi ekonomike dhe sociale, kësaj radhe ju jeni ata që vendosni për fatin tonë dhe të Kosovës”, ka shkruar Ametaj.