Kandidatja për deputete e PDK-së, Besa Ismaili, ka uruar Donald Trumpin për kthimin në Shtëpinë e Bardhë si president i ShBA-ve.

Ajo ka shkruar në “Facebook” se kjo ngjarje është moment historik për popullin amerikan, me shpresën për një të ardhme më të ndritur dhe një partneritet edhe më të suksesshëm me ShBA-të.

“Urime z. Donald Trump për betimin tuaj si Presidenti i 47-të i Shteteve të Bashkuara të Amerikës! Urime gjithashtu popullit amerikan për këtë moment historik! Me shpresën për një të ardhme më të ndritur dhe një partneritet edhe më të suksesshëm, shprehim mirënjohjen tonë të përhershme ndaj Shteteve të Bashkuara të Amerikës për mbështetjen e tyre të vazhdueshme ndaj Kosovës!”, ka shkruar Ismaili.