Të premten kanë filluar punimet për ndërtimin e rrugës Gorozhup- Pogaj, rrugë që lidh fshatrat e Kosovës dhe Shqipërisë.

“Sot, shënuam fillimin e punimeve për ndërtimin e rrugës ndërkufitare, ne bazë të marrëveshjes së bashkëpunimit Kosovë-Shqipëri. Kjo rrugë me gjatësi afër 4 km është vetëm faza e parë për të vazhduar më pastaj drejt Cahanit e Krumës”, ka shkruar zv/ministri i Transportit në Qeverinë e Kosovës, Hysen Durmishi.

Njoftimi i plotë i Durmishit:

Sot, shënuam fillimin e punimeve për ndërtimin e rrugës ndërkufitare, ne bazë të marrëveshjes së bashkëpunimit Kosovë-Shqipëri. Kjo rrugë me gjatësi afër 4 km është vetëm faza e parë për të vazhduar më pastaj drejt Cahanit e Krumës.

Dikur kjo ishte arterie e rëndësishme e furnizimit me armë për ushtarët e UÇK-së, e sot po bëhet një arterie e rëndësishme që i bashkon shqipëtarët. Kjo rrugë jo vetëm që e afron Krumen me Prizrenin por do të ketë ndikim shumë të madh në zhvillimin e Hasit në Kosovë e Shqipëri.

Në këtë ngjarje të rëndësishme ishin prezent z. Miftar Dauti, Kryebashkiaku i Hasit, dhe ish-Kryeministri i Shqipërisë, z. Pandeli Majko, të cilët theksuan rëndësinë e këtij projekti për zhvillimin e rajonit dhe përmirësimin e infrastrukturës lokale.