![](https://www.epokaere.com/wp-content/uploads/2021/08/BE76466C-6A73-4ACF-9778-E40F5B028E9D.png)
Kapet kultivuesi i drogës në Koshare të Gjakovës, asgjësohen shumë bimë kanabisi
05 gusht 2021
| 19:20
Rreth 317 bimë narkotike janë asgjësuar në Koshare të Junikut.
Kjo u bë të enjten nga Policia e Kosovës në bashkëpunim me njësitet e forenzikës, por edhe ata të anti-drogës.
Në vendin e ngjarjes u arrestua edhe një person që është shtetas i Shqipërisë.
Për të prangosurin, por edhe persona tjerë që dyshohen të kenë kultivuar këtë bimë narkotike në këtë terren malor, Policia e Kosovës kishte kohë që po vëzhgonte.
Krahas kësaj parcele nga Prokuroria Themelore në Gjakovë thanë se mund të ketë të tjera të tilla aty.
Në largimin e tyre asistoi edhe policia nga Shqipëria. Të gjitha këto bimë u asgjësuan duke u djegur në një zonë të sigurt në Koshare.