Kapet me patentë false me emrin “Boris Johnson”, arrestohet shoferi në Holandë
Si e gjeti veten Boris Johnsoni duke vozitur i dehur në Holandë?
Kjo ishte edhe pyetja e policisë holandeze që arrestoi një person që kishte goditur me makinë një shtyllë dritash pranë Groningenit.
Personi që drejtonte makinën kishte një patentë false ukrainase në emër të ish-kryeministrit britanik, me datëlindjen e saktë dhe foton e tij. Megjithatë, patenta ishte lëshuar në 2019 dhe supozohej të skadonte më 3000.
Autori 35-vjeçar nuk ka treguar identitetin e tij dhe ka refuzuar të bëjë testin e alkoolit. Policia e arrestoi dhe gjatë kontrollit i gjeti patentën.
“Fatkeqësisht për të, ne nuk e kemi ‘ngrënë’ falsifikimin e tij”, shkruan policia në Instagram.
Licenca e rreme është marrë në Ukrainë dhe çdokush mund t’i blejë ato në dyqanet turistike.