Victoria është bërë shteti i parë i Australisë që ndalon në mënyrë specifike shfaqjen e svastikës naziste.

Sipas një ligji të ri, njerëzit që ekspozojnë qëllimisht simbolin përballen me një vit burg ose një gjobë prej 22,000 dollarë Australianë (12,300 £; 15,000 dollarë), raporton BBC, transmeton Express.

Kryeministri i Viktorias, Dan Andrews, tha se “askush nuk ka të drejtë të përhapë racizëm, urrejtje ose antisemitizëm”.

Ashtu si shumë vende në mbarë botën, Australia ka parë një rritje të mprehtë të incidenteve antisemitike kohët e fundit.

Victoria tashmë ka ligje kundër gjuhës së urrejtjes – por ato janë kritikuar për “boshllëqe”.

Një shtytje për reforma u intensifikua në vitin 2020 kur një çift ngriti një flamur svastika mbi shtëpinë e tyre, duke zemëruar komunitetin lokal.