Kryetari i Odës së Turizmit dhe Hotelerisë, Hysen Sogojeva, ka thënë që festivalet “Sunny Hill” dhe “Manifesta” mund t’i kenë kaluar dhjetëra milionë euro fitime.

“Vetë ‘Sunny Hill’ dhe ‘Manifesta’ mund të kalojnë shifra dhjetëra milionëshe shifra, por një gjë që duhet cekur është se ka filluar një trend që nuk është i mirë për ne sepse diaspora që po vjen, gjysmën e pushimit po e kalon në Bregdetin e Shqipërisë ose në Mal të Zi, prandaj edhe remitencat janë më të vogla në krahasim me vitet e mëparshme”, ka thënë Sogojeva në “Info Magazine” të Klan Kosovës.

Sipas tij, shteti duhet ta bëjë Kosovën një atraksion më të madh turistik që diaspora të qëndrojë dhe shpenzojë këtu gjatë verës.

“Prandaj, shteti, gjegjësisht qeveria, duhet të punojë në këtë drejtim që ta bëjë ma atraktiv turizmin në Kosovë”, shtoi ai.