![](https://www.epokaere.com/wp-content/uploads/2018/04/0C0EF17B-2F37-4FEE-8E5B-74913609DAA8.jpeg)
Karaxhiq apelon dënimin e tij me 40 vjet burgim
Ish-udhëheqësi i serbëve të Bosnjës, Radovan Karaxhiq, do të nisë më 23 prill një apel drejt gjykatësve të Kombeve të Bashkuara për dënimin e tij me 40 vjet burgim.
Karaxhiq, 72 vjçar ishte dënuar më 2016 për gjenocid, krime lufte dhe krime kundër njerëzimit në masakrën e Srebrenicës më 1995.
Më shumë se 100,000 janë vrarë dhe rreth 2.2 milionë të tjerë janë detyruar të largohen me dhunë gjatë luftës në Bosnjë më 1992-1995.
Atij i ishte shqiptuar dënimi nga gjyqtarët e Tribunalit të Hagës, që është mbyllur edhe zyrtarisht në dhjetor të vitit të kaluar.
Presidenti i këtij tribunali, Theodor Meron, ka deklaruar në muajin shkurt se apelet do të shqyrtohen nga Mekanizmi për Tribunale Ndërkombëtare për Krime (MICT).
Vendimi pritet të bëhet i ditur vitin e ardhshëm.