“Dëshiroj të theksoj se ka një vazhdimësi të fortë në politikën tonë ndaj Ballkanit në 30 vitet e fundit. Pres që kjo vazhdimësi, rreth synimeve themelore që kemi për këtë rajon, të vazhdojë”, ka thënë  Kasanoff në një intervistë për agjencinë e lajmeve HINA.

Nëse do të qëndrojë atje pas 20 janarit, kur të vijë në pushtet qeveria e Donald Trump, Kasanof nuk ka dashur të spekulojë, por ka theksuar se do të vazhdojë të punojë deri në ditën e fundit që rajoni të përparojë në të gjitha aspektet dhe në për t’i lënë pasardhësit e tij të mundshëm situatën sa më të mirë.

Ai ka thënë se ShBA-ja është e shqetësuar për ndikimin e Rusisë në të gjithë rajonin dhe për këtë arsye po punon me vendet e Ballkanit Perëndimor për të parandaluar dezinformimin.

Zyrtari amerikan ka theksuar se Uashingtoni aktualisht sheh një “mundësi reale” të përparimit të rëndësishëm nga vendet e Ballkanit Perëndimor në rrugën e integrimit euroatlantik.