Kryetari i Komunës së Kamenicës, Qëndron Kastrati, ka marrë pjesë në seancën plenare të edicionit të parë të Forumit të Akademisë për Rininë. Kjo seancë është organizuar nga misioni i OSBE-së në Kosovë me temën “Arritja e barazisë gjinore: Roli i rinisë”.

Punimet e kësaj seance i ka hapur kryetari Kastrati, i cili ka thënë se është shumë i lumtur që Kamenica është komunë model në barazi gjinore dhe përfshirje të rinjve në vendimmarrje.

“Lëvizja e grave për barazi dhe e të rinjve për përfaqësim, duhet të bashkohen për të krijuar partnership që imponon agjendën e elitës politike në vend”, ka thënë Kastrati.