Katastrofat natyrore shkaktuan 250 miliardë dollarë dëme

14 dhjetor 2021 | 13:18

Katastrofat natyrore dhe ngjarjet e ndërlidhura me motin ekstrem kanë shkaktuar 250 miliardë dollarë humbje brenda këtij viti.

Kjo shifër paraqet rritje prej 24 për qind krahasuar me vitin e shkuar, njoftoi kompania më e madhe në botë e sigurimeve, “Swiss Re”.

Për industrinë e sigurimeve vetëm, “ngjarjet e ndërlidhura me motin e ekstrem, përfshirë ngricat, vërshimet, stuhitë, valët e nxehtësisë dhe uraganet”, rezultuan me humbje vjetore në sigurime nga katastrofat natyrore deri në 105 miliardë dollarë. Kjo vlerë është e katërta më e lartë që nga viti 1970”, ka pohuar “Swiss Re”.

Humbjet në sigurime nga katastrofat natyrore këtë vit “sërish tejkaluan mesataren e 10 vjetëve të shkuara, duke e vazhduar trendin vjetor të rritjes prej 5-6 për qind në dekadat e fundit”,  ka njoftuar gjiganti i sigurimeve.

Katastrofat natyrore më të shtrenjtat për këtë vit ishin në ShBA.

Uragani “Ida” ka shkaktuar humbjen mes 30-32 miliardë dollarëve në sigurime dhe stuhia “Uri” ka shkaktuar 15 miliardë dollarë humbje.

Në Evropë ishin vërshimet në Gjermani e Belgjikë dhe shtetet e tyre fqinje, përgjatë muajit korrik, të cilat shkaktuan humbje prej 40 miliardë dollarëve në ekonomi dhe 13 miliardë dollarëve në sigurime.

Përpos katastrofave natyrore, katastrofat e shkaktuara nga faktori njeri, sollën 9 miliardë humbje në ekonomi këtë vit.

Lajme të sponsorizuara

Të fundit
Max Verstappen, i sapo shpallur kampion bote në Formula 1,…