Për katër ditë më radhë (13 – 16 korrik) presidenti i Kosovës, Hashim Thaçi është intervistuar nga Dhomat e Specializuara në Hagë.

Kjo ka zgjuar interesimin e mediave vendore dhe ndërkombëtare.

Përveç tyre, gjatë ditëve të intervistimit i cili ka zgjatur për orë të tëra, kanë qëndruar vazhdimisht me dhjetëra mërgimtarë të cilët i kanë dhënë mbështetje atij.

“Tani i mbetet prokurorit dhe gjyqtarit ta gjykojë dëshminë time. Unë besoj se do të gjykohem drejt dhe paanshëm në atë çka kam dëshmuar. Unë s’kam bërë asnjë krim dhe se lufta e UÇK-së ishte lufte e drejtë për liri e Kosovës”, ka thënë Thaçi dje pas përfundimit të intervistimit në Hagë.

Presidenti Thaçi pritet që sot të kthehet në Kosovë.