Një ndeshje e jashtëzakonshme do të zhvillohet sonte (e mërkurë): Real Madridi në Ligën e Kampionëve kundër Borussia Monchengladbachut në ndeshjen e fundit të Grupit B.

“Los Blancos” aktualisht renditet i treti në grup pas pesë ndeshjeve, ndërsa Monchengladbachu kryeson grupin. Në garë për kualifikim janë edhe Shakhtar Donetsk dhe Interi. Moskalimi i grupit nga Real Madridi do të ishte edhe fundi i Zinedine Zidanes në krye të kësaj skuadre, por Reali e ka në duart e veta fatin e kualifikimit. “Duam tri pikë dhe të përfundojmë si lider i grupit. Jam i bindur se do të kemi ndeshje të mirë”, ka thënë Zidane. Trajneri francez tutje bëri me dije se nuk është duke menduar për të ardhmen ngaqë vendimi i takon klubit.

“Klubi do të bëj çfarë duhet, nuk mendoj për këtë. Jam duke menduar për ndeshjen e radhës që t’ia dalim mirë dhe t’i marrim tri pikë”, ka deklaruar Zidane. Reali me fitore do të kualifikohet në raundin e ardhshëm, kurse skuadra e dytë në tabelë, Shakhtar, përballet me skuadrën e fundit, Interin. Cilado skuadër që fiton do të kualifikohet. Lajm i mirë për skuadrën e Zidanes është rikthimi i kapitenit Sergio Ramos, kurse mungojnë Eden Hazard dhe Dani Carvajal. Nico Elvedi dhe Tony Jantschke i mungojnë skuadrës gjermane, kurse Ramy Bensebaini është në dyshim.

Grupi A

21:00 Bayern M. – Lokomotiv Moscow
21:00 Salzburg – Atletico Madrid

Tabela

1. Bayern M.            5  13 pikë
2. Atletico M.           5  6
3. Lokomotiv M.     5  4
4. Salzburg               5  3

Grupi B

21:00 Inter – Shakhtar Donetsk
21:00 Real Madrid – B. Moenchengladbach

Tabela

1. B.Moenchengladbach          5  8 pikë
2. Shakhtar D.                           5  7
3. Real M.                                   5  7
4. Inter                                       5  5

Grupi C

21:00 Manchester City – Marseille
21:00 Olympiacos – Porto

Tabela

1. Manchester City        5  13 pikë
2. Porto                           5  10
3. Olympiacos                5  3
4. Marseille                    5  3

Grupi D

18:55 Ajax – Atalanta
18:55 Midtjylland – Liverpool

Tabela

1. Liverpool         5  12 pikë
2. Ajax                  5  8
3. Atalanta           5   7
4. Midtjylland     5   1

(Epoka e re)