Sot rreh orës 08:15 në rrugën “Tahir Sinani” në Shtime ka ndodhur një rast grabitje me armë kur në lokalet e bankës  kanë hyrë katër persona të armatosur me armë të gjata  dhe nën kërcënimin e armës nga punëtorja kanë kërkuar që t’i dorëzojë paratë nga arka.

Shuma e parave të grabitura nga plaçkitësit ende nuk duhet për momentin, njofton “Klan Kosova”.

“Me këtë rast ka pasur edhe shkrepje arme në ajër nga ana e një të dyshuari, por nuk ka persona të lënduar”, ka bërë me dije toger Agim Gashi.

Gashi ka thënë se të dyshuarit kanë ikur nga vendi i ngjarjes.

“Të dyshuarit janë larguar nga vendi i ngjarjes me automjet kombi dhe gjatë ndjekjes të të dyshuarve ka pasur gjuajtje me armë nga ana e të dyshuarve në drejtim të automjetit të policisë, por nuk ka pasur të lënduar”.

“Janë duke u marrë të gjitha veprimet policore për identifikimin e personave të dyshuar dhe arrestimin e tyre”, ka thënë ai.