![](https://www.epokaere.com/wp-content/uploads/2022/02/Curfew-introduced-in-Kiev.jpg)
Katër presidentë sot vizitojnë Kievin, takohen me Zelenskyn
13 prill 2022
| 08:34
Presidenti i Polonisë, i Lituanisë, i Letonisë dhe i Estonisë kanë udhëtuar në kryeqytetin ukrainas Kiev për ta takuar presidentin Volodymyr Zelensky, tha një këshilltar i liderit polak.
“Vendet tona po i tregojnë mbështetje Ukrainës dhe presidentit Zelensky”, ka shkruar në “Twitter” këshilltari i presidentit polak Andrzej Duda, Jakub Kumoch.
Vizita e tyre vjen disa ditë pasi kryeministri i Mbretërisë së Bashkuar, Boris Johnson, vizitoi qytetin të shtunën.