KB Prizreni po vazhdon të përforcohet për sezonin e ardhshëm. Klubi prizrenas ka prezantuar reprezentuesin e Kosovës, Musab Mala.

27-vjeçari së fundmi ishte pjesë e Trepçës. Ai në të kaluarën ka luajtur edhe te Rahoveci, Bashkimi, Lipjani dhe Borea. Përveç Malës dhe përforcimeve tjera, klubi ka paralajmëruar se në javët në vijim do t’i prezantojë edhe dy basketbollistë të huaj, të cilët i vlerësuan si “super përforcime”.

“Supertransferi i skuadrës këtë edicion pa dyshim që do jetë Musab Mala. Musab Mala emër i njohur në basketbollin e Kosovës i cili tash gjendet në Përfaqësuesen e Kosovës do jetë përforcim superior për skuadrën bardh e zi.  27-vjeçari vjen nga skuadra e KB Trepça ndërsa në të kaluarën ka djersitur fanellat e skuadrave të Rahovecit, Bashkimit, Lipjanit, dhe Borea. Mala me entuziazëm të madh pret debutimin me skuadrën por edhe klubi ndihet shumë komod që në radhët e veta ka shtuar një super lojtarë e super personalitet. Nuk mbarojmë me kaq, në javët në vijim do i prezantojmë edhe dy super përforcime të huaj!”, thuhet në  njoftimin e KB Prizreni.