Klubi i Basketbollit Rahoveci e ka pranuar dorëheqjen e kryetrajnerit Muhamed Thaçi.

Kështu ka bërë të ditur klubi nëpërmjet faqes zyrtare në “Facebook”.

Rahoveci e ka falënderuar Thaçin për kontributin e dhënë, duke i dëshiruar suksese në karrierë.

“KB Rahoveci njofton se ka pranuar dorëheqjen nga trajneri Muhammed Thaçi. Ne falënderojmë trajnerin për kontributin e tij dhe gjithçka që ka dhënë për organizatën tonë, duke i dëshiruar Mujës suksese të mëtejshme në karrierën e tij”, thuhet në njoftimin zyrtar të Rahovecit.