KB Trepça ka njoftuar se e ka vazhduar kontratën edhe për dy vjet të tjera me njërin prej basketbollistëve me të mirë në Kosovë, Dardan Kapiti.

“Dardan Kapiti do të jetë pjesë e Trepçës edhe për dy sezonet e ardhshme. Ai do të vazhdojë me ngjyrat Gjelbër e Zi drejt sukseseve të reja. Së bashku do të bëjmë çdo sfidë mundësi!”, thuhet në njoftimin e Trepçës.

24-vjeçari ka qenë pjesë e sukseseve historike sezonin e kaluar me “xehetarët”, ku kanë fituar katër trofe dhe kanë rikthyer titullin kampion në Mitrovicë pas 12 vitesh. Teksa këtë sezon me paraqitjet e tij të mira ka bërë që të jetë vendimtar edhe në triumfin e Superkupës. Kapiti këtë sezon po luan me mesatare prej 9.9 pikëve dhe 7.8 kërcimeve për lojë.