Sokol Bashota ka njoftuar se Këshilli Drejtues i Degës së Partisë Demokratike të Kosovës në Komunën e Klinës, si organ vendimmarrës, sot ka vendosur unanim për kandidimin e tij për kryetar të Komunës së Klinës në zgjedhjet lokale të tetorit.

“Falënderoj strukturat e PDK-së për besimin e dhënë. Struktura të cilat janë pjesa kryesore e angazhimit për fitoren e radhës së PDK-së në Klinë. Ftoj të gjithë që të angazhohemi fuqishëm që të dalim faqebardhë. Fitorja e PDK-së në Klinë është e nevojshme dhe e domosdoshme për të mirën e Klinës dhe qytetarëve të saj”, ka shkruar Bashota në llogarinë e vet në “Facebook”.