Erërat e fuqishme që filluan mbrëmë në orët e vona të pasmesnatës e të cilat po vazhdojnë ende në disa zona, kanë bërë që KEDS-i menjëherë të mobilizojë me dhjetëra ekipe të terrenit, të cilat janë shpërndarë gjithandej vendit në mënyrë që konsumatorët të mos mbesin pa furnizim me energji elektrike.

“Si pasojë e këtyre erërave, janë shkaktuar dëme në rrjet ku ekipet tona po bëjnë çmos që në kohën më të shpejt të mundshme, të njëjtat të sanohen”.

“Aktualisht, distriktet më të afektuara janë: Prishtina, Gjakova, Prizreni dhe Mitrovica.
KEDS u bën apel qytetarëve që në rast se shohin avari në rrjet, asesi të mos i afrohen por të kontaktojnë menjëherë Qendrën e Thirrjeve në 0800 791 00. KEDS kërkon mirëkuptim nga konsumatorët e zonave të afektuara”, ka njoftuar KEDS-i.