Edhe sivjet, KEDS-i po e shënon me shumë aktivitete Javën e Sigurisë në Punë.

Në kuadër të saj, sot, në ambientet e ndërtesës së KEDS-it në Distriktin e Pejës, u realizua me sukses një simulim i zjarrit në ndërtesë dhe hapat e nevojshëm për evakuim dhe kërkim-shpëtim.

Në Pejë, punëtorët e distriktit ishin protagonistë të simulimit.

Zjarri i improvizuar në katin e lartë të ndërtesës bëri që punëtorët të evakuoheshin jashtë objektit dhe, përderisa reaguan, brenda disa minutash ishin në vendngjarje Policia e Kosovës, ekipit i Urgjencës së Pejës, Zjarrfikësit lokalë, pjesëtarë të KFOR-it, përfaqësues të institucioneve komunale, si dhe dhjetëra nxënës të këtij qyteti.

Punëtorët e mësuan në praktikë si të reagojnë në rast zjarri dhe si të veprohet nëse dikush është i lënduar ose ka mbetur brenda.

Ekipet e urgjencave të komunës dhanë një kontribut të madh që punëtorët e kompanisë të jenë më të sigurt dhe dinë si të veprojnë në rastet e emergjencave.

KEDS-i ka ndarë mirënjohje për të gjitha institucionet e pranishme dhe i falënderon ata për kontributin që punëtorët tanë të jenë sa më të sigurt në vendin e punës.

Simulimi në Pejë është i treti me radhë, pasi vjet ishte bërë në Ferizaj e më herët në Prizren.

Java e sigurisë në punë do të vazhdojë edhe me aktivitete tjera.