Kompania Kosovare për Distribuim me Energji Elektrike në Kosovë sh.a. (KEDS), është duke përfunduar një projekt të madh investues në Brezovicë.

“Përmes këtij investimi do të rritet siguria e furnizimit dhe do të përmirësohet dukshëm kualiteti i shërbimeve.  Kjo do të ndikojë drejtpërdrejt edhe në zhvillim të mëtutjeshëm të asaj ane, e cila konsiderohet zonë turistike. KEDS tashmë ka vendosur trafo blindën tërësisht të re me kapacitete të mjaftueshme për të furnizuar konsumatorët e asaj ane dhe ka bërë shtrirjen e kabllove komplet të reja bashkë me stabilimente përcjellëse”, është thënë në komunikatën e KEDS-it.

Sipas kësaj komunikate, investimet në rrjetin energjetik po vazhdojnë çdo ditë anekënd Kosovës. “Kjo tregon përkushtimin e kompanisë për përmbushjen e premtimeve dhe vendosmërinë për të ofruar shërbime kualitative, të qëndrueshme dhe rrjet te sigurt”, thuhet në komunikatë.