Me 6 qershor të vitit 2022, Korporata Energejtike e Kosovës – KEK, vendosi t’i ndërprenë marrëdhënien e punës Petrit Dulës.

E sipas arsyetimit të KEK-ut, kjo erdhi si pasojë e mungesës së tij në punë i cili gjendet në burg-vuajtje të dënimit me kohëzgjatje më të gjatë se gjashtë muaj.

Për anulim të këtij vendimi, së fundmi kërkesë kanë drejtuar kundrejt Bordit të KEK-ut, familjarët e Petrit Dulës.

Laura Dula-Deda, përmes një shkresë drejtuar Bordit të KEK-ut, ka thënë se Petrit Dula është i burgosur në Beograd për kinse krime të bëra gjatë luftës.

Përmes kësaj shkrese Dula-Deda, ka potencuar për kushtet e rënda ekonomike të vëllait të saj, derisa kërkesa e tyre si familjarë është mos shkëputja e marrëdhënies së punës.

Tutje, ata në kërkesën drejtuar KEK-ut, i kanë kërkuar që të marrin parasysh për krimet që ka kryer Serbia gjatë luftës së fundit në Kosovë.

Në nëntor të vitit 2022, Gjykata dënoi anëtarin e dyshuar të Ushtrisë Çlirimtare të Kosovës gjatë kohës së luftës, Petrit Dula, me dy vjet burg për pjesëmarrje në rrahjen e një civili në Kosovë në vitin 1999.

Sipas aktakuzës, në gjysmën e dytë të qershorit 1999, pjesëtari i supozuar i Ushtrisë Çlirimtare të Kosovës, Dula, së bashku me disa persona të paidentifikuar, kapën me forcë civilin Gazmend Kryeziu nga një shtëpi në një fshat afër qytetit të Gjakovës në Kosovë.

E kanë çuar në shtëpinë e Dulës, ku Dula e ka keqtrajtuar në mënyrë çnjerëzore civilin, e ka dhunuar fizikisht dhe e ka plagosur.

Aktakuza pretendonte se Dula e goditi Kryeziun me shkop bejsbolli, i hodhi një shishe dhe e goditi sipër veshit të majtë me një shishe të plotë, ndërsa ai ishte ulur në një karrige me duar të lidhura, ndërsa pjesëtarët e tjerë të UÇK-së e goditën me kondakë pushke dhe e goditi me grushte dhe shkelma.

Më vonë ata e transportuan atë në një shtab të UÇK-së në fshatin Babaloq, ku anëtarë të tjerë të panjohur të UÇK-së vazhduan ta abuzonin dhe pyesnin se ku ishin varrosur ushtarë të tjerë dhe të afërmit e tyre që vdiqën gjatë luftës dhe nëse ai mori pjesë në luftë nga pala serbe.

Ai u lirua të nesërmen me urdhër të komandantit të paidentifikuar të shtabit të UÇK-së në Babaloq.

Dula u deklarua i pafajshëm në fillim të gjyqit në shtator.

Ai pretendoi se nuk ishte pjesëtar i UÇK-së dhe se nuk kishte armë e as uniformë. Ai po ashtu ka thënë se gjatë luftës së Kosovës ka qenë në Bullgari. Megjithatë, gjyqtarja Garotiç tha se gjykata vërtetoi se ai ishte anëtar i UÇK-së. /paparaci.com