Justin dhe Hailey Bieber kanë shitur zyrtarisht shtëpinë e tyre të parë. Rezidenca prej 6.132 metra katrorë ndodhet në Beverly Hills dhe është shitur këtë të enjte për vlerën 7.955 milionë dollarë.

“People” shkruan se çifti i famshëm ka humbur rreth 545 mijë dollarë, pasi e ka blerë këtë shtëpi për 8.5 milionë dollarë në vitin 2018.

Kjo shtëpi ka 5 dhoma gjumi dhe shtatë banja. Ajo është cilësuar gjithashtu edhe me “The Tropics”, për vlerën marramendëse, 8.5 milionë dollarë.

Kujtojmë se këngëtari i famshëm ka qenë paksa i përgatitur për shitjen e shtëpisë, pasi që para disa muajsh bëri një postim në “Instagram”, ku shkruante se kush do ta blejë.

“Unë mendoj se dua të shes shtëpinë time në Beverly Hills. Do ta shes me të gjitha orenditë që ka brenda. Kush ka ndonjë ofertë për këtë shtëpi?”, shkruante në atë kohë Justin Bieber.