Këngëtarja e famshme ndahet nga i dashuri, shkak mesazhi…
Pas gjashtë muajsh lidhje, Demi Lovato i ka dhënë fund romancës me të fejuarin, Max Ehrich. Çifti u fejua në qershor të këtij viti, vetëm katër muaj pasi ishin njohur, dhe u duk se lidhja ishte shumë e fortë.
Por herët gjatë këtij muaji, u përfol se 29-vjeçari i kishte dërguar mesazhe ngacmuese ish-shoqes ë ngushtë të Demi-t, Selena Gomez, në vitin 2015.
“Ishte një vendim i vështirë , por Demi dhe Max kanë vendosur që të ndahen e të fokusohen në karrierën e tyre përkatëse”, tha një burim për “People”.
Burimi shtoi se “ata kanë respekt dhe dashuri për njëri-tjetrin dhe se gjithmonë do ta çmojnë kohën që kanë kaluar së bashku”.
Pasi u përhap lajmi se këngëtarja e famshme është ndarë nga i fejuari, 28-vjeçarja vendosi që të bënte një postim në “Instastory”, ku u shfaq pa unazën e madhe që Max i dhuroi për fejesë.