Këngëtarja dhe aktorja e famshme, Jennifer Lopez, ka publikuar së fundmi videoklipin e saj më të fundit. Kënga mban titullin “In the morning” dhe Jlo shfaqet e zhveshur totalisht. Ajo mban vetëm një palë krahë engjëlli.

Në videoklipin e këngës së saj, Jennifer shfaqet edhe si një krijesë tjetër mitike, si një sirenë plot shkëlqim. Këngëtarja ka shpjeguar se në fakt pas këtij videoklipi fshihet një mesazh i fortë, pasi ka shumë simbolika brenda tij.

Jennifer ka treguar edhe se çfarë kuptimi kanë gjithë veshjet dhe lëvizjet e saj në videon e këngës.

“Kjo vajzë, bie brenda në dashuri dhe fundoset në ujë, kështu avash avash zhvillon një bisht sirene. Dhe pak nga pak ajo fillon të rrisë krahët e saj, për të qenë e aftë për t’u larguar nga ajo lidhje”, është shprehur artistja.